ތަބުރޭޒް

ޢަރަބި ދަރިކޮޅު މީހެކޭ، ބުނެވެޔޭ އޭނާ އެއީ

ކަރަ އަކުން އައިމީހެކޭ، ޔޫސުފުއް ތަބުރޭޒަކީ

މަޣްރިބުން ކަމަށޭ ވަނީ، ރާޖެއަށް އޭނާ އައީ

މަޣްފިރަތް ދެއްކެވި ކަމުން، ނަންކިޔޭ ތަބުރޭޒަކީ

އަސްލުގައި ތަބްރިޒް އަކީ، ފާރިސީންގެ ނަމެއްވިޔަސް

އަސްލު މަޣްރިބްގާ އުފަން، މީހެކޭ ތަބުރޭޒަކީ

ބަރްބަރީ ފަހަތަށްލިއޭ، ޔޫސުފުލް ކުރިއަށް ލަމުން

ބަރްބަރީ ކިޔަކަސް ހެވޭ، ނަންއެވާ ތަބުރޭޒަކީ

ނަންކިޔޭ ބައިވަރު ގޮތަށް، ފޮތްތަކުންވެސް އެކިގޮތަށް

ނަންކިއުމުގައި އާދަވީ، ދަންނަހެން ތަބުރޭޒަކީ

ކެންދުއަށް ކަމަށޭވަނީ، އެއްމެ ފުތަރަމަވެސް އައީ

ދެއްވަމުން ދިޔަ ބަސްތަކުން، މާތްއެވީ ތަބުރޭޒަކީ

މަޑުކުރެއްވި ކަމަށް ބުނާ، ތަނުގައޭ އެޅިފައި އެވީ

ގަނޑުވަރެއްފަދަ ހުދު ބިނާ، ރަމްޒުވާ ތަބުރޭޒަކީ

ހާދަ ގަދަރެއް އިއްޒަތެއް، ހިތުތެރޭގައި އެބަ ވެޔޭ

އާދައެއް ކަމު ދެކި ޝުކުރު، ހައްގުވާ ތަބުރޭޒަކީ

*******